غراتان طريقة جديدةمعمر بالبنة ماشي ناشف
المقادير:
- ثلاث حبات بطاطا
- كمية من الملح
- كمية من الفرماج
- زبدة او مغارين
- فلفل اسود
- راس الحانوت
- زيت
- حبة بصل متوسطة
- زوج فصوص ثوم
- فيونداشي او دجاج مرحي
- فرماج رابي
طريقة تحضيرغراتان ام وليد بالفيونداشي او بصدر الدجاج:
كمية من الطاطاحوالي ثلاثة حبات بعد التقشير والتقطيع نخليهم يغلو ندير الملح في الاخير بعد ما تطيب الطاطا ونصفيها بعد ما طابت البطاطاطانضيفلها قطعة فرماج طري وهي سخونةحوالي مغرف كبيرة زبدة ولا مغارين وشوية فلفل كحل مدام راهي سخونة وندير الملح وشوية راس الحانوت وهي سخونة نطحن كلشي نخليوها تبرد شوية ونوجدو الحشو كمية نتاع زيت وبصلة متوسطة مقطعة رقيقة ونضيفو زوج فضوص ثوم مسكرفجة نقليو الثوم مع البصل نزيد عليهم كمية من الفيونداشي اودجاج مرحي ونضيف كمية نتاع ملح للحشو لي رانا نخدمو فيه في المقلةونضيفو نفس التوابل لي درناهم في البطاطكا ونخلطو مليح حتى يطيب اللحم وكي نطيبو الحشو نتاعنا ما لازمش نخلوه ينشف مليح باش يبقى بنين لازم تبقالو هديك لاصوص القلية نتاعو بعد ما يوجد الحشو نتاعنا تكون بردت البطاطا ونكونو موجدين الول نتاعنا لي مطلي بالزيت لي راح نحطو فيه الغرتان نتاعنا نحكمو البطاطا نتاعنا المطحونة نجربوا نقسموها على ربعة نقوم بتشكيل اربع كرات بطاطا مطحونة ونحطهم في المول ونحكم ملعقة حطب ونظغط على الكرات نهبطهم شوية شغل خبزات صغارمحفورين لداخل بانحط الحشو نتاعنا نعمروهم بالحشو نتاع الفيونداشي لي كنا وجدناه من بعد نفرغو فوقهم لكرام فراش ولا لاسوس بيشامال حسب الاختيار وفوقها نسكرفجو شوية فرماج رابي شيدار بعدها ندوها نحطوها في الفرن غير تجمر برك نحيوها نشعلولها النار من الفوق من التحت وشهية طيبة